Í ár fer ágóðin til Jólahjálpina hjá Hvíldarheimið Naina

Í ár fer ágóðin til Jólahjálpina hjá Hvíldarheimið Naina.
Plantasjan verður pyntað við ljósum í greinunum, báli og ljósblussum í ánni, har sum tiltakið er, so tað verður so hugnaligt sum møguligt.
Sum vant, ber til at keypa sær jóladekoratiónir.
Eisini kemur Havnar Hornorkestur at lívga løtuna við nøkrum góðum tónum, og jólamenninir vitja við onkrum góðum til børnini.
Og so ber annars til at keypa sær kakao og bollar.
Talan er um eitt tiltak, ið er fyri alla familjuna, samstundis sum fólk – eins og vanligt er, tá Lions Club Tórshavn skipa fyri – kunnu stuðla einum góðum og vælgerandi endamáli.