Knút kemur við síni fagnaðu fjórðu plátuútgávu Hjartasláttur

Knút kemur við síni fagnaðu fjórðu plátuútgávu Hjartasláttur (Tutl, 2023) at framføra fyri áskoðarum í 2024. Lyklaorð í tónleikinum hjá Knúti eru kveiking, modernað, psykedeliskt, gospel, rúmligt, dynamiskt og hjartaligt. Knút hevur verið ein miðsavnandi figurur á føroyska tónleikapallinum síðani aldarskiftið, og hevur áður útgivið tríggjar plátur í egnum navni. Á Summartónum fara Knút og bólkurin at framføra sangirnar av nýggju plátuni kring landið.

“Fyri meg hevur tónleikur altíð snúð seg um transendens. Tað hevur altíð verið mín útvegur.” – Knút

Knút Háberg Eysturstein (sang, gittar)
Kristian Pauli Ellefsen (klaver)
Torleik Mortensen (bass)