Nýggj framsýning er sett upp í forhøllini á Landsbókasavninum.

Vónbjørt Vang (f. 1974) ger pappírskollasjur burturúr burturbeindum bókasavnstilfari, gomlum bókum, tíðarritum og øðrum funnum pappíri. Sum rithøvundur og bókavørður hevur hon eitt serligt tilknýti til pappír og bøkur. Gjøgnum kollasjulistina kannar hon, hvussu fragmentir úr eldri pappírstilfari kann fáa nýggjar týdningar, tá tað verður sett saman í aðrar samanhangir. Vónbjørt er útbúgvin cand. mag. og bachelor í listaligum arbeiði frá Fróðskaparsetur Føroya. Til dagliga starvast hon sum býarbókavørður í Havn.

Fleiri kollasjur kunnu síggjast her: @collagesbyvonbjort