Sunnudagin 1. des. kl. 15 verður konsert við nýggja gospelkórinum í Ribarhúsi

Kórbýurin Fuglafjørður hevur fingið nýtt kór! Í fjør byrjaði eitt gospelkór at venja undir leiðslu av Jórun Pólsdóttir, stigtakara.
Kórið hevur luttikið á kórstevnum og hevur sungið saman við øðrum kórum, men hetta er fyrsta konsertin í Fuglafirði, har kórið hevur eina solo-konsert.
Vit gleða okkum til eina hugnaliga og jólaliga kórkonsert við kendum og jólaligum gospel klassikarum.
Hugnaligt er at vera í Ribarhúsi hendan dagin, tí jólamarknaður er í húsinum, og jólasølan er byrjað í Piddasahandli, har Akker eisini hevur støkk upp jólablómuhandil.
Fyrsta sunnudag í advent verður jólatræið í Fuglafirði tendrað kl. 17 beint við Mentanarhúsið, har jólakafé og jólatombola eisini er.