Kvonn + Kalas í OY

Kvonn er ein bólkur sum spælir egin løg og fólkatónleik úr Norðurlondum og Kalas er ein tónleikabólkur mannaður av 4 ungum gentum, sum í 2017 blivu hugtiknar av stuttligu og festligu fólkatónleikatónunum.

Kvonn spælir fólkatónleik úr Norðurlondum. Meginparturin av spæliskránni er tó egin løg hjá limum í bólkinum.

Angelika Nielsen, violin
Sharon Weiss, blokkfloyta
Ívar Bærentsen, mandolin, gittar
Kristian Blak, klaver
Mikael Blak, bass


Kalas er ein tónleikabólkur mannaður av 4 ungum gentum. Teirra tónleikaferð byrjaði í 1. flokki í samband við verkætlanina “Litir í Leiki”, og hava tær spælt líka síðani. Í 2017 blivu tær hugtiknar av stuttligu og festligu fólkatónleikatónunum, og fóru á eina stevnu í Finnlandi, har bólkurin Kalas varð settur á stovn. Síðani hevur Kalas verið ein aktivur bólkur á føroyska tónleikapallinum. Tær hava verið á ymsum øðrum uttanlanda stevnum síðani, og spæla tí bæði føroyskan og útlendskan tónleik.