Vit mangla 300 fólk at renna ella ganga teinin

Túnarenning verður í Fuglafirði, tá Bindifestivalurin er. Tað verður skipað soleiðis, at runnið ella gingið verður runt í ymsum túnum eftir eini rutu (víst niðanfyri).
- Teinurin er 790 metrar
- Túrurin byrjar og endar á kirkjuplássinum
- Hvønn 10. minutt byrjar eitt nýtt umfar og í alt eru 12 umfør. Tú ert eisini vælkomin, um tú bert ert við nøkur fá umfør
- Síðsta umfar byrjar kl. 11.50

Tekna teg við at skriva EG KOMI undir facebook-uppslagnum.

Luttakararnir fáa eitt start-nummar, har skrivað verður á, hvussu nógv umfør ein hevur luttikið í.
- Longu frá kl. 9 ber til at heinta sítt startnummar, sum skal setast uppá bringuna.
- Okkurt verður at leska sær við og til ber eisini at hvíla sær beinini ímillum umførini.
- Møgueiki er at nýta wc´ini í kirkjuni.

Les meir og kunna teg um vinningar í tíðindabrævinum frá Bindifestivalinum!