Fimleikaframsýningar hjá Støkk - stroyming

9 fimleikaframsýningar hjá Støkk í vikuskiftinum

Fimleikaframsýningarnar hjá Støkk verða 20. og 21. mars, og í ár eru tær 9 í tali.

Fyri at halda koronutilmælini, eru fimleikaframsýningarnar ikki almennar í ár, men tveir áskoðarar kunnu koma at hyggja pr. fimleikara og venjara. Kostnaðurin er 50 kr. pr. sýning.

Øll kunnu tó síggja fimleikaframsýningarnar, tí allar sýningarnar verða stroymdar ókeypis á netinum.

Skráin yvir fimleikaframsýningarnar liggur á www.stokk.fo og á Facebooksíðuni hjá Støkk. Leinki til stroyming verður lagt út á heimasíðu og Facebook, áðrenn sýningarnar byrja.

Fyrsta sýning byrjar leygarmorgun kl. 10 og hildið verður fram til kl. 17.30. Sunnudagin verður fyrsta sýning kl. 13 og væntandi eru allar sýningar lidnar kl. 17 sunnudagin.