Kirkjan í Klaksvík, vígd í 1963, er sera óvanlig, ikki minst av tí, at hon einki torn hevur (Lasse skrivaði bókina í 1979, síðan tá hevur kirkjan fingið torn, og tó so, tornið stendur á vøllinum við síðurnar av kirkjuni), men hon er bæði uttan og innan hábærsligur bygningur.

Megintilfarið er føroyskt grót, viður og skifur. Í vestara enda eru høvuðsdyrnar. Ovast uppi í skjøldrinum er ein stórur trækrossur og undir honum eitt vakurt, runt mosaikk-vindeyga.

Í sjálvum kirkjurúminum eru svalir báðumegin við í tveimum hæddum, og uppi yvir altarinum er hin stórfingni freskomálningurin Hin stóra kvøldmáltíðin av Jaokim Skovgaard. Av fyrstu tíð var hann málaður til dómkirkjuna í Viborg (1901), men orsakað av slevj í kálkinum mátti hann trekkjast av aftur og varð síðan fluttur til Statens Museum for Kunst í København. Haðani varð hann latin til Klaksvíkar Kirkju.

Uppi í tróðrinum í tí stóra kirkju rúminum hongur gamalt endurbøtt áttamannafar, ein gamal prestbátur av Viðareiði.
Christianskirkjan er sum Vesturkirkjan í Havn eitt vala bygningsverk.

[KELDA: Lasse Sørensen, Kirkjurnar í Føroyum]

Í kirkjukjallaranum hongur stórslignað listarverkið, Jesus úr Nasaret, eftir Edward Fuglø. Listaverkið er myndað av 10 stórum relieffum, sum eru gjørd úr smáum og størri trækubbum, sum eru skornir, málaðir og settir soleiðis saman, at teir í síni heild mynda eina hending í Jesu lívi. Relieffini eru rund, og mynda alt frá boðan Mariu, til tá Jesus kemur aftur úr skýnum.
Listaverkini vóru gjørd til kirkjuna, tá kirkjan í 2013 fylti 50 ár.

Til stóra hátíðarhaldið í 2013, varð kirkjan eisini umvæld, og serliga altartalvan varð umvæld. Tey dugnaligastu fólkini, úr ymsum londum, komu til Klaksvíkar at arbeiða uppá altartalvuna. Hetta arbeiði tók fleiri mánaðar, og var liðugt til 50 ára dagin hjá kirkjuni.

Christianskirkjan er opin fyri vitjandi frá 31. mai – 28. august. Mánadag – fríggjadag kl 10 – 16, leygardag kl 13 – 16

Føstugudstænasta

Address

Contact

Date

Price

Vitja Christianskirkjan

Vel øki

Rudda alt

Vel bólkar

Rudda alt

Klaksvík, Norðoyggjar

Christianskirkjan