15 Feb - 28 Feb
Eysturoy
Free
Myndlist

Listaframsýning við Frits Johannesen

x

Nú kunnu vit fegnast um eina serstaka framsýning við Frits Johannesen, sum fer at hanga í báðum salunum í Mentanarhúsinum at fjálga um upplivingarnar her. Fernisering verður sunnudagin 14. februar, og framsýningin er opin hesar dagar:

sunnudagin 14. februar kl. 16 – 19

mánadagin 15. februar kl. 11 – 16

leygardagin 20. februar kl. 11 – 19

sunnudagin 21. februar kl. 15 – 19

mánadagin 22. februar kl. 11 – 16

leygardagin 27. februar kl. 11 – 19

og sunnudagin 28. februar kl. 16 – 19

Í sambandi við framsýningina skrivar Frits sjálvur:

Málningalistin í Fuglafirði

Tá ið tú kemur til ellina, so verður tú eymur um alt, sum eygað sær og oyrað hoyrir. Tað, sum eygað ikki hevur sæð, og oyrað ikki hevur hoyrt, rørir ikki hjartað… og eymur er hann, sum agnið sparir. Eymleikin nørir um manga løtu og setir síni spor í hugflogið.

Tað eru nógv penslastrok farin um tún og teigar her á landi, og hevur nørt um ta føroysku myndlistina, hóast tann føroyska listin er væl yngri enn t.d. málningalistin aðrastaðni. Símun Olivur Johannesen, pápabeiggi Frits og morbróðir Heðins, var fyrsti fuglfirðingurin, ið fór at mála. Hann var føddur 1900 og doyr í 1983. 1922 var sjónleikur spældur á loftinum í Rættarbúðini, har Símun gjørdi leiktjøldini. Hann málaði tey heima við hús uppi í Toftum í barndómsheiminum. Her vóru so tey fyrstu fótafetini sett í málningalistini her í bygdini. Símun var t. d. við, tá ið málningaframsýningin á Varmakeld-ustevnuni fyrstu ferð var 1969 og var við her í mong ár. Frits og Heðin vóru eisini við her á fyrsta sinni saman við skyldmanninum. Fyrrárið vóru 50 ár liðin, síðani henda sýning sá dagsins ljós. Á Varmakelduni hetta árið vóru meira enn fimmti fuglfirðingar, sum stillaðu út. Henda framsýning var í 7 ymiskum støðum í bygdini og var eisini t. d. í Mentanarhúsinum.

Tað er undrunnarsamt, at eitt so lítið land kann hava so góða og fjøltáttaða list sum Føroyar, og at ein bygd sum Fuglafjørður kann hava eitt so gott mentanarhús og so mong fræg listafólk, sum nøra um eymleikan og seta síni spor í ta listaligu gongdina dag og dagliga. Hetta er sanniliga gáva til gagns.

Lívið! Dýra undur eg var lutur av,
eitt ævinleikaboð av magn’ og anda,
sum skelvur gjøgnum loft og jørð og hav
við ljósi, myrkri, vøkstri og við vanda,

( Landið eg bar við mær inn um skúlans gátt: Karsten Hoydal).

Address

Mentanarhúsið í Fuglafirði

Karvatoftir 5
530 Fuglafjørður
Eysturoy

Date

15 Feb 2021 11:00 - 16:00
20 Feb 2021 11:00 - 19:00
21 Feb 2021 15:00 - 19:00
22 Feb 2021 11:00 - 16:00
27 Feb 2021 11:00 - 19:00
28 Feb 2021 15:00 - 19:00

Price

Free