Gátuveiða

Listaveiða:

Á Listasavninum hava vit eina stuttliga gátuveiðu, sum bæði eru til børn og vaksin. Finnur mann rætta svarið, er mann við í lutakastinum um ein lítlan vinning.

Kom á Listasavnið og vita um tú klárar at loysa gátuna. Tú fært meira kunning við kunningardiskin. Vit hava opið týsdag til sunnudag kl. 13-16.

Til tey skapandi:

Í móttøkuni á Listasavni Føroya eru hugnalig uppgávuborð, har tit kunnu royna tykkum í at endurskapa standmyndirnar hjá savninum í mikrostødd, prýða postkort, tekna, leggja putlispøl og nógv afturat. Tað er ókeypis og opið fyri øll meðan savnið er opið.

Vit hava eisini ’Havið’ serframsýningina sum er opin til 5. apríl, 2021.