Spælifilmur: Two of Us

Leikstjóri: Filippo Meneghetti
2019 | Frankaríki, Belgia, Luksemborg | 95 min
Franskt, týskt | Enskir undirtekstir
Leikarar: Barbara Sukowa, Martine Chevallier, Leá Drucker

Nina og Madeleine hava verið par í áratíggju. Tær eru pensjoneraðar og búgva í Suðurfrankaríki. At síggja til eru tær báðar bara tveir grannar á ovastu hædd. Tær ganga ímillum íbúðirnar og eru saman um gleðirnar í gerandisdegnum. Men brátt ein dagin verður parlagið vent upp og niður av einari óvæntaðari hending, og dóttir Madeleine traðkar inn í myndina at hjálpa, og hetta brýtur teirra stillfarandi livihátt.

Two of Us er søga um treytaleysan kærleika og krevjandi frælsi ímóti øllum sannlíkindum. Tað er sjaldsamt at síggja eldri kvir kvinnur verða lýstar við tign og virðing. Tað er sanniliga lætt at skilja, hví Frankaríki útnevndi Two of Us til Oscar virðislønir.