18 Jul
Sandoy
Free
Børn & Ung

Summarhugni í Skopun

x

Hósdagin 18. juli frá kl. 14 – 19 verður summarhugni í Skopun fyri ung sum gomul!

Kom og hugni tykkum saman við okkum, her verður nógv at taka sær til og nógv gott til góman.

Spøl og undirhald eru ókeypis, og matur verður til keyps 🙂
 
Elding kemur suður at vísa gas-grillir framm, og eisini verður møguleiki at smakka okkurt á grillini.

Kom og sniðgev títt egna grót-heiðursmerki

Føroya Grótvirki hevur opið hús, har tú kanst sniðgeva og tilevna títt egna heiðursmerki!

Kom og royni tíni kreativu evni við gróti, og fá eina uppliving fyri lívið. Heiðursmerkið fært tú sjálvandi við tær heim.

Hoppiborgir

Hoppiborgir verða á økinum, MTF bjóðar! Vit gleða okkum.

Vaflur

Sjálvandi verða okkara heimskendu vaflur at fáa, saman við einum góðum kaffimunni.

Fish & Kips, og ikki at gloyma poppkorn

Hjá Irdi og Jónu kanst tú keypa fisk & kips í heimsklassa, og tú kanst eisini keypa poppkorn frá teimum.

Dart, smart, hart, fart?

Dartfelagið skipar fyri dartkapping fyri bæði vaksin og børn!

Stórir bilar

Bæði brandbilurin og ambulansan verða víst framm á økinum. Nú kunnu tey smáu spyrja so nógv tey orka um hvat bilarnir duga og kanna hvønn krók!

Stafett

Fitnesshøllin hevur opið hús og skipar fyri barnavinarligari stafett á økinum!

Hvør er skjótast í Skopun? Tú? Tað finna vit skjótt út av!.

Á-handilin

Á-handilin bjóðar kaffi og cola.

Hvar?

Alt er beint við og á økinum hjá Grótvirkinum.

Og vistu tit, at heimsins størsti postkassi er í Skopun? Hann er eisini beint við økið.

Address

Føroya Grótvirki

Tormansvegur 36
240 Skopun
Sandoy

Date

18 Jul 14:00 - 19:00

Price

Free