Hvannhagi

x

Túrurin byrjar við Suðuroyar Sjúkrahús. Gakk niðan á Ovaraveg, og gakk síðani inneftir Ovaravegi, ímóti Trongisvági. Eftir at hava gingið í uml. 1,5 km, kemur tú til eitt portur, ið førir til hagan. Her er eitt skelti, ið vísir til Hvannhaga, og fyrsti partur av gøtuni er mertur við reyðgulum pelum. Pelarnir vísa til Grindina, ið er niðurgongdin til Hvannhaga. Her skal ein vera eitt sindur ansin, tí tað kann vera eitt sindur torført at ganga. Tá ið tú ert komin oman ígjøgnum grindina, er aftur ein týðilig rás at síggja. Fylg rásini, og njót vakra útsýnið yvir Lítlu Dímun, Stóru Dímun og Sandoy. Ein kláran dag kanst tú eisini síggja Koltur og Vágar. Gøtan heldur fram eitt sindur inn til vinstru, og brádliga ert tú her: Vakra, runda vatnið, við grønum bøi og høgum fjøllum rundanum.

Serliga jarðfrøðingar eru hugtiknir av Hvannhaga, av tí at fleiri jarðfrøðilig fyribrigdi eru at síggja her. Tað er ikki undarligt, at Hvannhagi hevur, í fleiri ættarlið, verið eitt væl dámt stað hjá familjum at fara á útferð í.

Tá ið tú ætlar tær heim aftur, kanst tú velja at fara eftir somu gøtu, sum tú komst eftir. Tú kanst eisini velja at ganga niðan ígjøgnum Frostgjógv, sum fer niðan úr sunnara parti av Hvannhaga. Velir tú hesa leið, skalt tú vera sera varin fyri leysum gróti, serliga um tit eru ein bólkur. Tá ið tú kemur niðaná, er ongin týðilig rás at síggja, men gongur tú eitt sindur afturat, eigur tú at síggja á gøtuna, sum tú byrjaði við. gakk ímóti hesi gøtuni, og gakk aftur ímóti Tvøroyri.

Um túrin:

Tíð: Umleið 2 tímar

Longd: Uml. 10 km.

Torleikastig: Miðal.

Hægsta punkt: 230 m

Børn: Túrurin hóskar seg til børn. Verið tó ansin fyri leysum gróti í Frostgjógv.

Lendi: Fyri tað mesta bøur. Grýtut í Frostgjógv og í Grindini.

Kort: 503

Address



Contact

Upplatingartíðir

-

av