Matur & Drekka

Kafé Breiðateig

x

Á Kafe Breiðateig er sera hugnaligt, eitt gott stað at njóta løtuna.

Á Breiðateig var telefonstøðin á Sandi, og húsið hevur bæði søgu og sál. Útsýnið er eisini sera gott út yvir vánna. Bussur koyrir beint framvið, og kafe’in liggur mitt í bygdini á Sandi.

BURÐARDYGD

Á Kafe Breiðateig verður dentur lagdur á heimagjørdan mat, og frísk rávøra úr nærumhvørvinum verður nýtt í størst møguligan mun.

Stórur partur av innbúgvinum hevur egna søgu. Borðini eru gjørd úr gomlum hurðum og rekaviði, koppar og annað er av gomlum slagi, og gamli málningurin á vegginum hevur sína egnu søgu.

MATKORT

Á matarlepanum er m.a. heimabakað belgisk vafla við ísi og sjókolátasós, rabarbutrifli gjørd úr økologiskum rabarbum av Sandi, bananasplitt, flógv tvíflís, fiskasuppa við góðum útróðrartorski og heimabakaðum breyði afturvið.

Eisini er møguleiki at bíleggja annan mat út við ella at eta í húsinum. Møguleiki er at fáa fyrstafloks føroyskan útróðratorsk, oksa ella lambakjøt, brunchplattar og ymiskt annað.

Skalt tú ein túr og ynskir matpakka, eru vit fús at gera hendan og bjóða t.d. breyð við føroyskum viðskerða, ella pannukøkur.

Staðið má upplivast, og her kann tú njóta løtuna, friðin, søguna, núið og góðu tænastuna.

Vit hava frítt wifi til kunda okkara.

 

Verið hjartaliga vælkomin á Kafe Breiðateig!

 

Upplatingartíðir 2019

Frá 25. juni – 25. august 2019 er opið soleiðis:

Mándag – leygardag: kl. 11 – 18

Sunnudag: kl. 12 – 18.

 

Annars verða upplatingartíðirnar dagførdar so hvørt á Facebook-síðuni hjá Kafe Breiðateig.

Address

Heimasandsvegur 50
210 Sandur
Sandoy

Contact

Website

Upplatingartíðir

Mánadag 11:00 - 18:00
Týsdag 11:00 - 18:00
Mikudag 11:00 - 18:00
Hósdag 11:00 - 18:00
Friday 11:00 - 18:00
Saturday 11:00 - 18:00
Sunday 12:00 - 18:00