Norðoyggjar
Annað

Skarð

x

Bygdin  Skarð á Kunoy, sum var norðan fyri Haraldsund, var avtoftað á vetri 1919. Tollaksmessudag 1913 hendi ein stór vanlukka. Skarðsmenn vóru farnir norð á hav til útróðrar, veðrið var av tí besta, men brádliga brast hann á, og Skarðsbáturin við manning sást ongantíð aftur. Eftir sótu konur og børn. Ein 14 ára gamal drongur og ein gamal maður vóru einastu menn eftir í bygdini. Lívið gjørdist ov tungt, og síðani á vetri í 1919 hevur verið øskukalt á Skarði.

Nú á døgum er gongutúrurin norð á Skarð vælumtóktur. Túrurin tekur fleiri tímar, men kenslan at ganga eftir gøtum, sum menn, sum havið svølgdi, einaferð traðkaðu, vísir tær á, hvussu lítið tú megnar afturímóti náttúruni.

Í 2013, 100 ár eftir syrgiligu vanlukkuna, varð minnisvarði reistur á Skarði, yvir menninar sum fórust við Skarðsbátinum. Hans Pauli Olsen hevur gjørt standmyndina.

 

Tekstur: visitnordoy.fo

Mynd: Ólavur Frederiksen

Address


785 Haraldssund
Norðoyggjar

Contact

Website

Upplatingartíðir

-

av