Funningur - Svínáir
Link Copied!
-
Funningur. Mynd: @alexstelma -
Útsýnið undir Húsafjalli út yvir Funningsfjørð. Í bakgrundini eyðkenda Kalsoyggin. Mynd: Óli Gardshodn -
Útsýnið yvir Funningsfjørð. Mynd: Óli Gardshodn -
Ein varði á Reiðgøtu, uppi yvir Funningsfirði. Mynd: Óli Gardshodn -
Útsýnið yvir brúnna við Streymin. Mynd: Óli Gardshodn -
Sundalagið, útsýnið yvir Svínáum. Mynd: Alessio Mesiano
Ein avbjóðandi túrur við vøkrum útsýni yvir Sundalagið
Túrurin ímillum Funning og Svínáir er ein krevjandi og vakur túrur, har gingið verður niðan í hæddirnar. Túrurin varir góðar 3 tímar.
Bygdagøtan kann vera torfør at finna, tí ongi serstøk frámerki eru um gøtuna, og hon sæst ikki meginpartin av túrinum. Tí er týdningarmikið at hava GPS-fíluna við.
Lendið er vallað og gott, men eitt sindur grýtut ígjøgnum Kvíandal. Portur eru ikki sett upp á leiðini, og tí er neyðugt at gleiva (varliga) um trý hegn á leiðini.
Fleiri varðar eru á leiðini, men eru í støðum nærum ósjónligir, tí teir eru so gamlir og rapaðir.
Gøtan kann verða gingin báðar vegir, so veðurforsøgn og flutningsmøguleikar kunnu avgera tað.
Bygdagøtan kann vera torfør at finna, tí ongi serstøk frámerki eru um gøtuna, og gøtan sæst ikki meginpartin av túrinum. Tíer týdningarmikið at hava GPX-fíluna við á túrinum.
Funningur - Svínáir
Leið 201 koyrir til Funnings. Samband er við leið 450 á Oyrarbakka, men busssambandið til Funnings og Svínáir er ikki serliga gott – fáar fráferðir eru hvønn dag.
Parkering í Funningi
Í Funningi kann bilurin verða settur við stóra parkeringsplássið sunnan fyri innkoyringina til bygdina – sí grøna frámerkið. Haðan verður gingið eftir bláu linjuni út til portrið.
-
Sí grøna linju fyri parkering og bláa linju fyri byrjunarstað -
Sí grøna linju fyri parkering og bláa linju fyri byrjunarstað -
Sí bláa linju fyri byrjunarstað
Svínáir - Funningur
Leið 200 koyrir ígjøgnum Svínáir Samband er við leið 450 á Oyrarbakka, men busssambandið til Funnings og Svínáir er ikki serliga gott – fáar fráferðir eru hvønn dag.
Parkering í Svínáum
Í Svínáum ber til at seta bilin við stóra grøna seyðahúsið – sí grøna frámerkið. Haðan verður gingið fram við vegnum norður um Stórá, har neyðugt er at gleiva upp um hegnið, og síðan verður gingið beint niðan móti Kvíandalsskarði – sí bláu linjuni.
-
Sí grøna linju fyri parkering og bláa linju fyri byrjunarstað -
-
Funningur - Svínáir
Svínáir - Funningur
Fakta
Tíð
longd
Hægsta stað
Hæddarmetrar
Túrurin hóskar væl børnum oman fyri 10 ár. Longdin á túrinum, hæddin og at tað er eitt sindur bratt í fyrstuni niðan úr Funningi gera túrin óskikkaðan til smábørn
Avbjóðandi
- Gott at ganga allan vegin og ongir hamrar, men rættiliga nógvir hæddarmetrar. Eitt sindur bratt at ganga í fyrstani í Funningi og gjøgnum Hóvabrekkuna niðan í Kvígandal
Vallað og gott lendi allan vegin. Eitt sindur grýtut niðan gjøgnum Kvíandal. Gleivast skal um trý hegn á vegnum
