Sandavágur – Slættanes – Gásadalur

Njót ævintýrakenda túrin til nakrar av vakrastu perlunum í Føroyum
SANDAVÁGUR (Á HÁLSI) - SLÆTTANES
Túrurin byrjar á parkeringsøkinum á Hálsi, beint áðrenn tú røkkur Sandavági (eisini nevnt Sandavágshálsur). Gakk á skák til vinstru ímóti gjónni, sum eitur Ravnagjógv, og fylg gøtuni niðan brekkuna. Her finnur tú fyrsta varðan á varðagøtuni. Hetta er ein gomul gøta, ið var sambandið millum bygdirnar Sandavág og Slættanes. Øll ferðsla millum bygdirnar gekk eftir hesi gøtu.
Eftir ein-tveir kilometrar gerst lendið slættari, og haðan er gott útsýni yvir stóran part av Streymoynni, Skælingsbygd, Leynum og Kvívík eins og av fjøllunum fyri sunnan, Skælingi og Sátuni. Eitt vet longur frammi kemur vakra Vestmanna undan hinumegin fjørðin. Í mong ár var Vestmanna miðdepil fyri alla ferðslu til Vágar og flogvøllin. Ein ferja sigldi millum Vestmanna og Oyrargjógv, men hon varð avloyst av undirsjóvartunlinum í 2002, sum var fyrsti av sínum slag í Føroyum.
Eftir umleið fimm kilometrar gongur ein onnur varðagøta tvørtur um hesa gøtuna. Tað er gøtan millum Sørvág og Oyrargjógv. Verð verandi á fyrru gøtuni. Tað kann vera trupult at síggja gøtuna og at finna næsta varðan, men gev tær góða tíð, so finnur tú. Við Fótamørsklett, við síðuna av hegninum, liggur ein steinur við skapi nakað sum ein ferhyrningur. Hetta verður kallað eitt hav. Í gomlum døgum plagdu menn at kappast um at lyfta steinin fyri at vita, hvør sterkastur var. Ansa eftir rygginum, um tú freistast at máta styrki tína við kapparnar í gomlum døgum.
Komin fram við Tungufellinum Lítla býtir gøtan seg sundur. Fylg tí niðara varðanum. Hin vísir á rossarás, ið gongur niðan í fjøllini. Fylg varðunum tvørtur um Suðansbrekku og haðani oman gjøgnum Fossabrýrnar; tá er stuttur vegur eftir til Slættanes.
Nøkur fá hús eru á Slættanesi, men tey standa tóm fyri tað mesta, tí bygdin er avtoftað. Á Slættanesi búð fólk bert í umleið 100 ár. Ein familja flutti hagar í 1835, og fyrstu fimm árini var hon einsamøll í oyðini. Síðan løgdust onnur aftrat, og í 1940 búðu 75 fólk á Slættanesi. Tíðum vóru uppaftur fleiri. Í 1964 fluttu síðstu fólkini haðan.
SLÆTTANES – FJALLAVATN
Av Slættanesi gongur leiðin niðan á Skoradalsháls. Gøtan byrjar við endan á vegnum oman fyri bygdina. Fylg varðunum niðan brekkuna til Skoradalsháls.
Á Skoradalshálsi er framúrskarandi útsýni norðureftir yvir á Streymoynna, harímillum tey víða gitnu Vestmannabjørgini og Snubbarnar, sum – við sínum hárhvassa og bratta lendi – er millum vakrastu fjøll í Føroyum. Tú stendur nú á gáttini til fagrastu støð í Vágum.
Fylg gøtuni oman í Reipsá, sum rennur úr norðrara enda av Fjallavatni. Fjallavatn er næststørsta vatn í Føroyum. Størst er Leitisvatn (eisini nevnt Sørvágsvatn ella bara Vatnið), sum eisini er í Vágum.
Av Skoradalshálsi kanst tú ganga frítt av gøtuni oman í Reipsá. Tú kanst ganga ímóti fjøllunum norðanfyri (høgrumegin), fylg rygginum vestureftir og kom síðan aftur á gøtuna við Reipsá. Har er vakurt útsýni yvir grønar heyggjar og blátt hav. Ver tó varin, tí lendið er bratt við gjáum í støðum, og teinurin oman til Reipsá er grýtutur og óslættur.
FJALLAVATN – GÁSADALUR
Tað kann vera trupult at sleppa turrur yvir um Reipsá, men royn og finn eitt stað, har áin rennur møk. Far yvir um Gullringsá, sum rennur oman vinstrumegin.
Áðrenn tú fert niðan, mást tú minnast til at hyggja yvir á Víkar, sum eisini er avtoftað bygd. Hon varð grundløgd í 1833 og avtoftað í 1932. Bygdin er sanniliga fjarskotin; tað tekur tveir tímar at ganga haðan til nærmastu bygd, og tað í illgongdum lendi. Umráðið er ómetaliga vakurt við sandtanganum og grøna grasslættanum ið liggur undir Eysturtindi.
Fylg gøtuni á skák niðan í brekkuna inn undir fjallveggin. Vegurin kann vera ørkymlandi, tí tíðum kann tað tykjast, eins og fleiri gøtur eru. Men tá ið tú kemur longri niðan og vestureftir, gerst gøtan niðan gjøgnum Kálvarók týðiligari. Ansa eftir hálum steinum á vegnum niðan. Fylg varðunum ígjøgnum Jøkladal og Kjógvadal. Síðan kann gøtan verða ring at síggja. Nú kemur tú niðan gjøgnum Bustina og haðani yvir í Bustardal.
Komin niðan um Bustina í 595m. hædd, og haðani yvir í Bustardal, er frítt útsýni yvir vakra Árnafjall, ið er hægsta fjall í Vágum. Beint uppi yvir tær er Eysturtindur – næsthægsta fjall í oynni. Her liggur væl fyri at fáa sær ein kaffisteðg og at njóta vøkru litirnar frá kvøldsólini, har hon skyggir á fjøllini.
Sandavágur – Slættanes – Gásadalur
Public Transport
Route 300 between Tórshavn and the Airport stops in Sandavágur.
Route 350 stops in Sandavágur, Gásadalur and Tórshavn.
Parkering, Sandavágur
Good parking conditions are close to the starting point Á Hálsi (Sandavágshálsur) 100m east of the cattle grid is a parking lot. Park here and walk through the gate.
See the green lines.
The route is not visible here but walk 100 m on the road until you reach the first turn. Now hike to the right from the road and towards the large gorge Ravnagjógv and the mountain Lírisfelli. West of Lírisfelli you will reach the village path. Look for the cairns on your left.
See blue lines for description.
Gásadalur – Slættanes – Sandavágur
Public Transport
Gásadalur is reachable by public transport by driving from Tórshavn on bus rute 350.
Parking, Gásadalur
The best parking options for this hike is on the parking lot in the village of Gásadalur – right by the public restrooms.
Then follow the blue line towards the sheepfold. From the sheepfold you can see the first cairn.
Sandavágur – Slættanes – Gásadalur
Gásadalur – Slættanes – Sandavágur
Fakta
Tíð
longd
Hægsta stað
Hæddarmetrar