Bygdagøtur

Tú hevur ongar yndis enn

Her kanst tú savna íblástur, greinar, tiltøk og støð, sum tú hevur áhuga fyri.

Trýst á ikonið á síðurnar, so koma tær fram her.

Tiltøk og Túrar

Støð

Gongutúrar

Skálavík - Skálhøvdi - Skálavík

Barnhús

ein vakur og lættur túrur – við góðum útsýni og áhugaverdum søgum

Byrja verður eysturi á endanum á niðara vegi, kallaður Sótabakki, sum gongur út til rættina á syðru síðu á víkini. Vegurin var ætlaður til nýggju havnina, men ætlanin fall burtur í endanum av 1980’unum. Í dag verður økið brúkt til seyðahald, og hagin er stongdur tríggjar ferðir um árið – hetta verður merkt við skelti við rættina.

Gakk út gjøgnum bæði portrini við rættina og út á Torvheyggjar, har Fiskavarðin sæst uppi á høvdinum. Hetta var ein siðbundin varði, har fólk kastaðu grót fyri at fáa fisk aftur á miðini.

Frá Fiskivarða gongur leiðin niðan undir hamaran Barnhús, har ein døpur søgn sigur frá barnloysinum hjá matmóðurini á Dalsgarðinum. Hon átti altíð deyðfødd børn, men ein dag eydnaðist tað – tó misti jarðarmóðirin sama kvøld sítt egna barn. Jarðarstykkið, sum jarðarmóðirin fekk bjóðað, varð síðani kent fyri at bera óhepni, og framvegis vil eingin Skálvíkingur eiga tað.

Halt suðureftir niðan við ánni og njót útsýnið yvir Skálavík og fjøllini. Frá Skálhøvda sæst Húsavík, Lítla Dímun, Beinisvørð og vítt út yvir Sandoynna og Norðoyggjar. Staðið hevur verið nýtt til vaktarhald, og gomlu grundarsteinarnir frá vakthúsinum síggjast enn.

Av trygdarávum er ikki loyvt at fara út um slætta økið rundan um varðan á toppinum. Heim aftur verður gingið somu leið.

Vís allar Google Kort

Tak niður GPX slóð

Skálavik - Skálhøvdi Skálhøvdi - Skálavik

Tórshavn - Skálavík

Tak buss 650 úr Tórshavn to Sandur
og skift buss til 601 úr Sandi: Dalur - Húsavík - Skálavík – Sandur

Skálavík, Sótarbakki

Sera góð perkeringsviðurskifti eru við rættina við endan á vegnum Sótabakki – sí grønu linjurnar. Haðani gongur tú eftir bláu linjuni út gjøgnum bæði portrini við rættina og haðani eystur á Fiskavarða.