Bilútleigan í Suðuroy.

At hava egnan bil gevur eitt heilt serligt frælsi. Tú kanst til einhvørja tíð seta teg inn í bilin og koyra júst har ið tær lystir.

Eitt, ið sermerkir Suðuroynna, er nevniliga tað, at nógvar av vakrastu náttúruperlunum kunnu upplivast úr bilinum, og tað ber til at koyra heilt út á eggina. tað er tí sera hent at ferðast við bili, tá ið ein vitjar Suðuroynna.

Nú er hetta eisini blivið nógv lættari, tí nú ber til at leiga bil í Suðuroy. Go South bilútleigan hevur eitt gott úrval av bilum til sera góðan prís. Nærri kunning um hvussu tú bíleggur bilin fæst á heimasíðuni hjá Go South, og síðan kanst tú heinta bilin á Krambatanga, har ið Smyril leggur at. Lættari kann tað ikki vera.