ein av leiðandi tógv- og ullaframleiðarunum í Føroyum

Sum gamla orðatakið sigur, neyð lærir nakna kvinnu at spinna.

Í meir enn túsund ár hava føroyingar yvirlivað ótemjandi veðurlag í rokmikla Norðuratlantshavinum. Óvissar forsøgnir fyri gerandisliga lívið hjá føroyingum - hvørt ein var fiskari, bóndi ella annað - hevur altíð borið við sær fjølbroyttar avbjóðingar. Hetta hevur gjørt føroyingar til serfrøðingar í at gagnnýta nátúrliga tilfeingið, sum er til taks. Her hava teir góðu 70.000 seyðirnir, ið ganga á biti á teim átjan oyggjunum og enn bera av í tali við einum góðum triðingi av fólkatalinum, víst seg at vera ein serstakliga gagnligur samgongufelagi ígjøgnum árini. Hesir ullintu vinirnir hava veitt ein týðandi fyrimun í dystinum um yvirliving eins og íblástur til aldargomlu siðvenjuna at spinna ull til tógv, binding og seyming - ein siðvenja, ið snýr seg um at fáa sum mest burtur úr tí ráa tilfari, sum er til taks.

Henda ríka søgan er byggisteinurin undir Navia, ið savnar sína føroysku ull frá staðbundnu bóndum landsins. Alt byrjaði við stjóranum Óla Kristian á Torkilsheyggi - ein endurnýggjari innan føroyska tógv- og ullaframleiðslu, sum í dag gongur í fótasporunum hjá langommu og langabba sínum. Navia varð stovnað sum partur av eini handilsskúlaverkætlan og byrjaði sum eitt lítið virki við tveimum túsundkrónuseðlum í eginpengingi. Í dag er Navia ein av leiðandi fyritøkunum innan tógv- og ullavinnu í Føroyum, eins og hon er kend á útlendska marknaðinum við útbreiðslu til fleiri lond altjóða.

Vørulisti felagsins er víður, og inniheldur Navia tógv eina blanding av avstralskari lambsull, shetlendskari og føroyskari ull eins og bummull og silki, og fevnir um 1-tráðað, 2-tráðað og 3-tráðað tógv, hosutógv eins og rátt føroyskt tógv. Navia troyggjurnar taka um somu tíð íblástur frá gomlu føroysku mynsturmentanin, samantvinnað við nútímans stílrákini, ið gera um seg.

Kundagrundarlagið hjá Navia fevnir um allar aldursbólkar, frá børnum til tey eldru, og sniðgevingin er nágreiniliga miðað eftir teim ávísu aldursbólkunum.

Ein onnur vørulinja hjá Navia er sermerkta Bindibókin - ein røð av sniðum og mynstrum, ið eru sett saman av einum toymi av lokalum bindikonum, ið eisini fevna víða um við atliti til egna bakgrund, frá fiskavirkisarbeiðarum til vælútlærdar sniðgevar, eins og aldur, frá 15 til 84. Tær fáa eina ásetta uppgávu, ið síðani verður framleitt við hond. Sniðgeving teirra verður myndað og vald burtur úr til stórframleiðslu eins og seld fyri seg. Mynstrini verða niðurskrivað og umsett til fleiri mál, íroknað danskt, svenskt, enskt og íslendskt.

Navia er errið av og leggur dent á at gagnnýta tey evnaríku fólkini, sum eru um felagið, runt um alt landið.

Í mun til føroysku ulluna er tess ríka innihald av lanolin um somu tíð eitt sermerki, ið ger tógvið og troyggjurnar vatnfrávísandi. Lanolinið svinnur tó undir longdari vasking eins og vanligum sliti. Við hesum í huga framleiðir Navia sítt egna vørumerki av ullasápu til maskin- og hondvask, ið inniheldur lanolin, og sum bæði viðger og reinsar vøruna.

Vit vóna, at tær dámar vørur okkara, og ert tú vitjandi heima á klettunum, hygg endiliga framvið og gagnnýt tax-free møguleikan í handlum okkara!