kunoyingar kalla tað frammi í paradísi

Viðarlundin í Kunoy varð gróðursett í 1905 og er sermerkt fyri bygdina. Viðarlundin er merkt av ódnum, ið hava herjað, men prýðir framvegis landslagið. Eitt øki niðan fyri viðarlundina er so gróðrarríkt og vakurt, at kunoyingar kalla tað frammi í paradísi.

Tað sigst, at Eggjarsteinur, sum stendur mitt í viðarlundini, er rapaður oman av Eggini. Reip hongur niður av steininum, og vitjandi í viðarlundini plaga at klintra upp á hann.