Sjúkrahúsið í Klaksvík

Klaksvíkar Sjúkrahús er eitt av trimum sjúkrahúsum í Sjúkrhúsverkinum. Á sjúkrahúsinum stavast umleið 160 fólk.

Sjúkrahúsið er altíð opið fyri sjúklingum við akuttum sjúkum og skaðum, og skaðastovan er opin alt døgnið.

Umframt tveir settar skurðlæknar, ein medisinara og hjálparlæknar, vitja fleiri serlæknar regluliga á sjúkrahúsinum, hesir taka sær av trupulleikum innan akslar, hendur, knø, mjadnar og urologi.

Sjúkrahúsið veitir kanningar og viðgerðir innanfyri ortopædi, almenkirurgi, urologi, akslakirurgi, hondkirurgi, knækirurgi, kikarakanningar og nýrasteinsknúsing.

Á sjúkrahúsinum er ein blandað seingjardeild og landsfevnandi svøvnkøvudeild.

Røntgendeildin á sjúkrahúsinum tekur røntgenmyndir og fæst eisini við nýrasteinsknúsing,

Á Rannsóknarstovuni verða blóðroyndir, tiknar og analyseraðar umframt at Rannsóknarstovan umsitur beinbanka og tappar blóðgevar.

Á Klaksvíkar Sjúkrahúsi er eisini stór giktadeild, ið tekur sær av venjing, endurvenjing og skeiðum av ymsum slagi, eitt nú venjing fyri sklerosusjúklingar og venjing fyri børn við serligum avbjóðingum.

Klaksvíkar Sjúkrahús lat alment upp í 1898 og er sostatt blivið 125 ár. Hølini eru bygd um og út í fleiri umførum, og virksemið er gjøgnum árini víðkað og broytt.