Bóndagarður frá víkingatíð

Í árunum 1982-1987 var ein stórur útgrevstur á Toftanesi í Leirvík, har leivdir av eini norrønari búseting vórðu funnar. Fleiri húsaskap og ein rúgva av fornlutum komu undan kavi í útgrevstrinum og góvu eitt stórt innlit í elstu søguna hjá Føroyum.

Útgrevsturin prógvaði, at bygdin stavar frá víkingatíðini og gav eisini ábendingar um, at Leirvík er millum elstu bygdir í Føroyum.

Kommunan kann hjálpa við ferðaleiðara við góðari frásøgn til staðið.